ایلون مسک چیٹ جی پی ٹی کا متبادل بنانے کے لیے سرگرم

ایلون مسک نے کچھ عرصے قبل ہی مصنوعی ذہانت کی پیش رفت میں کچھ عرصے کا وقفہ دینے کے لیے ایک کھلے خط پر دستخط کیے تھے۔ جس میں انہوں نے کہاتھا کہ  آرٹیفیشل انٹیلیجنس کے میدان میں 

ہونے والی ڈیولپمنٹ انسانیت کے لیے نقصان دہ ثابت ہوگی۔

لیکن اس کھلے خط کے کچھ عرصے بعد ہی انہوں نے اپنی سوچ کو تبدیل کرتے ہوئے اعلان کیا ہے وہ جلد ہی اپنے مائیکرو بلاگنگ پلیٹ فارم چیٹ جی پی ٹی کا متبادل پیش کریں گے۔

کارروباری خبریں دینے والی ویب سائٹ بزنس انسائیڈر کے مطابق ایلون مسک نے آرٹیفیشل انٹیلیجنس مرکز بنانے کے لیے تقریباً 10ہزار جی پی یو( گرافک پراسیسنگ یونٹس خریدے ہیں جب کہ اس پراجیکٹ کے لیے الفا بیٹ کی ذیلی کمپنی ڈیپ مائنڈ سے اے آئی میں مہارت رکھنے والے ذہین ترین انجینئرز کو بھرتی کیا ہے۔

رپورٹ کے مطابق ایلون مسک کا یہ اے آئی ڈیولپمنٹ پروجیکٹ ابھی ابتدائی مراحل میں ہے، لیکن جی پی یو کی بڑی تعداد میں خریداری یہ ظاہر کرتی ہے کہ ایلون مسک اس مقصد کے لیے کس قدر پُر جوش ہیں۔ تاہم، ان کے اے آئی پروجیکٹ کا صحیح مقصد ابھی تک واضح نہیں ہے کہ آیایہ چیٹ جی پی ٹی اور گوگل بارڈ کے ساتھ ایک مددگار چیٹ بوٹ کے طور پر مقابلہ کرے گا، یا شاید ٹویٹر کے صارف کے تجربے کو بہتر بنانے کے لیے استعمال کیا جائے گا (جس کی بڑی ضرورت ہے، حالانکہ مجھے یقین نہیں ہے کہ آے آئی اس کا حل ہے)؟

ٹویٹر کی جاری مالی پریشانیوں کے باوجودجی پی یوز پر سیکڑوں ملین ڈالر لاگت سے یہ ثابت ہوتا ہے کہ کمپنی کو اس وقت درپیش غیر مستحکم مالی صورتحال کے باوجود ایلون مسک اے آئی  پروجیکٹ کو اولین ترجیح کے طور پر دیکھ رہے ہیں۔ ان جی پی یوز کو ٹویٹر کے باقی دو ڈیٹا سینٹرز میں نصب کیے جانے کی امید ہے۔

نئے ہارڈ ویئر کے علاوہ، ٹویٹر ا پروجیکٹ کو منظم کرنے کے لیے اضافی انجینئرز کی خدمات حاصل کر رہا ہے ایلون مسک کھلے عام اوپن اے آئی کے ساتھ مقابلہ کرنے کے لیےمصنوعی ذہانت کی صنعت سے وابستہ بہترین افراد کی تلاش میں سرکرداں دکھائی دے رہے ہیں۔

ایلون مسک پہلے ہی چیٹ جی پی ٹی سے مقابلے کے لیے اپنے ابتدائی وژن کے بارے میں بات کرچکے ہیں، انہوں نے اسے ایک بہتر 'اینٹی ویک' ورژن کے طور پر بتایا جو پروٹوکول کی حفاظت کو 'ختم' کر دے گا اور ممکنہ طور پر بدنیتی پر مبنی صارفین کو نفرت انگیز تقریر اور فاشسٹ، نسل پرستانہ پروپیگنڈا کرنے کی اجازت دے گا۔ ہم موڈی ٹیک جائنٹ سے مزیدجاننے اور یہ دیکھنے کے لیے بے چینی سے منتظر ہیں کہ یہ اے آئی پروجیکٹ کو کہاں لے جا سکتا ہے۔

اگرایلون مسک اے آئی پروجیکٹ کو سنجیدہ لینے کا سوچ رہے ہیں، تو ہم جی پی یو کی مارکیٹ میں کمی کو ابھی سے دیکھ سکتے ہیں جو گیمرز کے لیے بری خبر ہوگی۔ ہم نے کچھ سال قبل اسی طرح کی کمی دیکھی تھی جب جی پی یوز کو کرپٹو کرنسی کی مائننگ کرنے کے لیے فروغ دیا جا رہا تھا اور خاص طور پر مناسب قیمت پر جی پی یو تلاش کرنا تقریباً ناممکن تھا، اور اے آئی ہتھیاروں کی دوڑ میں مزیدجی پی یوز کو بڑی تعداد میں خریدا جا سکتا ہے۔